 |
| ឈុតសំដែងរាំវង់របស់ប្អូនៗជនរួមជាតិខ្មែរ |
សព្វថ្ងៃសុកត្រាំងមានបេតិកភណ្ឌវប្បធម៌អរូបីជាតិចំនួន៨ ក្នុងនោះមានបេតិកភណ្ឌវប្បធម៌អរូបីរបស់ជនជាតិខ្មែរចំនួន៥ដូចពិធីប្រណាំងទូកង សិល្បៈល្ខោនបាសាក់ រាំវង់ ភ្លេងពិណពាទ្យនិងរបាំ។ ដើម្បីអភិរក្សនិងពង្រីកតម្លៃបណ្តាប្រភេទបេតិកភណ្ឌនិងមិនឱ្យសាបរលាប ឆ្នាំ២០២៣ក្រុមសិល្បៈខ្មែរសុកត្រាំងបានចាត់តាំងបើកថ្នាក់បង្រៀនសិល្បៈរបាំ ភ្លេងពិណពាទ្យនិងរាំវង់ដល់អ្នកមានចិត្តស្រឡាញ់សិល្បៈ។ ក្រោយពេលបានចូលរួមរៀនថ្នាក់របាំ បងលីហ្វាងលឹងនៅភូមិព្រែកដូង ឃុំតាយវ៉ាំងរីករាយឱ្យដឹង៖ ប្អូនចូលចិត្តរាំរបាំណាស់គឺតាំងពីតូចម្ល៉េះ ពីព្រោះពេលបុណ្យកឋិនទានរបស់ជនជាតិខ្មែរម្តងៗ ឃើញបងៗមកវត្តហក់យក្សនិងហក់ស្វា ប្អូនចូលចិត្តណាស់ ម៉្លោះហើយពេលក្រុមសិល្បៈខ្មែរខេត្តបើកថ្នាក់បង្រៀនរបាំ ប្អូនក៏ចុះឈ្មោះចូលរៀនជាមួយមិត្តភក្តិក្នុងភូមិ។ សព្វថ្ងៃប្អូនរៀនបានតួអង្គរាំយក្សនិងស្វា ដូច្នេះប្អូនសប្បាយរីករាយណាស់។ បណ្តាប្រភេទសិល្បៈប្រជាប្រិយដូចរាំវង់ របាំនិងភ្លេងពិណពាទ្យរបស់ជនរួមជាតិខ្មែរបានទទួលស្គាល់ដាក់បញ្ចូលតារាងបេតិកភណ្ឌវប្បធម៌អរូបីជាតិ រួមជាមួយនឹងបណ្តាប្រភេទបេតិកភណ្ឌវប្បធម៌អរូបីដទៃទៀតនៅលើភូមិដ្ឋានខេត្តសុកត្រាំង បានក្លាយជាក្តីមោទនរបស់ជនរួមជាតិខ្មែរនៅសុកត្រាំងនិយាយដោយឡែក និងជនរួមជាតិខ្មែរនៅណាមបូនិយាយរួម។ ជាសមាជិកក្រុមភ្លេងពិណពាទ្យនៅវត្តផ្នោរកំបុត ឃុំថាមដូង(មីស្វៀង) បងស៊ើងង៉ុកហាយរីករាយឱ្យដឹង៖ ក្រោយពីបានរៀននៅក្រុមសិល្បៈខ្មែរខេត្តនិងទទួលបានបណ្ណបញ្ជាក់សម្រេចថ្នាក់រៀនរបាំ ភ្លេងពិណពាទ្យនិងរាំវង់ ខ្ញុំបានក្តាប់ច្បាស់ពីរបៀបប្រគំភ្លេងពិណពាទ្យសម្រាប់បម្រើបណ្តាថ្ងៃបុណ្យទានរបស់ជនរួមជាតិខ្មែរ។ បានរៀនដោយឥតគិតថ្លៃខ្ញុំត្រេកអរណាស់ហើយសូមអរគុណថ្នាក់ដឹកនាំគ្រប់ថ្នាក់ដែលបង្កលក្ខណៈឱ្យយើងខ្ញុំបានរៀនប្រភេទសិល្បៈទាំងនេះ។ ប្រធានក្រុមសិល្បៈខ្មែរខេត្តសុកត្រាំងលឺវថាញ់ហ៊ុងឱ្យដឹង៖ ប៉ុន្មានឆ្នាំជិតៗនេះ បណ្តាប្រភេទសិល្បៈប្រពៃណីនិយាយរួម មានឥទ្ធិពលពីការអភិវឌ្ឍបណ្តាប្រភេទសិល្បៈសម័យ។ អាស្រ័យហេតុនោះ ប៉ុនា្មនឆ្នាំកន្លង ដោយបានចង្អុលការរបស់គណៈនាយកមន្ទីរវប្បធម៌កីឡានិងទេសចរណ៍ ក្រុមសិល្បៈខ្មែរខេត្តបានចាត់តាំងបើកថ្នាក់បង្រៀនសិល្បៈរបាំ ភ្លេងពិណពាទ្យនិងរាំវង់ ទាក់ទាញប្អូនៗចូលរួមចំនួន១៥០រូប។ បណ្តាសិក្ខាកាមជាអ្នកសំដែងគឺប្អូនៗសិស្សានុសិស្ស តន្រ្តីករនិងអ្នកចូលចិត្តសិល្បៈរាំ-ភ្លេងតន្រ្តីមកពីបណ្តាក្រុមក្លឹបប្រជុំជីវភាពវប្បធម៌នៅតាមវត្តខ្មែរនិងតាមសាលាជនជាតិអន្តេវាសិកលើភូមិដ្ឋានខេត្ត។
 |
| ថ្នាក់បង្រៀនភ្លេងពិណពាទ្យ |
បើកថ្នាក់បង្រៀនរបាំភ្លេងពិណពាទ្យនិងរាំវង់ដើម្បីធ្វើការអភិរក្សនិងពង្រីកបណ្តាតម្លៃវប្បធម៌ប្រពៃណីល្អប្រសើរនៃប្រភេទបេតិកភណ្ឌវប្បធម៌អរូបីជាតិ។ សង្ឃឹមថាថ្នាក់បង្រៀននេះបានផ្ទេរនូវចំណេះដឹងជាសារវ័ន្តជួយឱ្យសិក្ខាកាមពង្រីកបានល្អដើម្បីបម្រើជីវភាពរបស់ខ្លួនរួមចំណែកក្នុងការអភិរក្សនិងពង្រីកតម្លៃបេតិកភ័ណ្ឌវប្បធម៌អរូបីខេត្តយើង៕
ថាច់ពេជ្រ
Thông tin bạn đọc
Đóng Lưu thông tin