 |
| លោកត្រឹងវ៉ាំងធ្វឹងកម្មាភិបាលសមាគមគំរូធ្វើសេដ្ឋកិច្ចពូកែ |
សំណេះសំណាលជាមួយយើងខ្ញុំលោកធ្វឹងចែករំលែក៖ ខ្ញុំរៀបការចេញនៅដោយឡែកគ្មានរបស់របរអ្វីទាំងអស់ រៀងរាល់ថ្ងៃធ្វើការឈ្នួលដើម្បីចិញ្ចឹមជីវិត។ ឆ្នាំ២០០៥សមាគមកសិករឃុំបានបង្កលក្ខណៈឱ្យខ្ញុំបុលទុនពីធនាគារគោលនយោបាយបាន៥លានដុង ខ្ញុំជួលស្រែ៤កុងផលិត២រដូវ/ឆ្នាំ ប្រិតសំចៃសន្សំលុយបានបន្តិចបន្តួច ខ្ញុំបុលបន្ថែម៤០លានដុងទៀតបើកហាងលក់សារពើភ័ណ្ឌ ទិញម៉ាស៊ីនជ្រោយដីសម្រាប់ធ្វើសេវាបម្រើឱ្យមាមីងក្នុងភូមិ។ តាមលោកធ្វឹង ចាប់ពីទិញបានម៉ាស៊ីនជ្រោយដី ជួយឱ្យគ្រួសារបង្កើនបន្ថែមប្រាក់ចំណូល ជីវភាពបានធូរធារជាង ប្តីប្រពន្ធទិញដីបន្ថែមដើម្បីបើកទូលាយការផលិត។ ជាមួយការឧស្សាហ៍ព្យាយាម ស៊ូលំបាក ខិតខំប្រឹងប្រែងយ៉ាងសកម្ម ចូលរួមថ្នាក់បង្វែរវិទ្យាសាស្ត្រ-បច្ចេទេស ទស្សនាទម្រង់នៅច្រើនកន្លែងដើម្បីស្វែងយល់ពីវិធីធ្វើល្អមានប្រសិទ្ធភាព តាំងពីនោះមានបទពិសោធន៍ លោកក៏បានអនុវត្តដោយជោគជ័យនូវទម្រង់ផលិតរបស់គ្រួសារ មកដល់ពេលនេះ គ្រួសារលោកមានដីស្រែចំនួន១២ហ.ត។ តាមលោកធ្វឹង រៀងរាល់ឆ្នាំបន្ទាប់ពីគិតការចំណាយរួច គ្រួសារលោកមានប្រាក់ចំណូលប្រហែល៣៦០លានដុង ឆ្នាំ២០១១ លោកសង់បានផ្ទះមានតម្លៃជាង១ពាន់លានដុង។ បានដឹង ដោយអស់ពីចិត្តក្នុងការងារសមាគម ឆ្នាំ២០០៦ លោកបានតែងតាំងធ្វើជាប្រធានសាខាសមាគមកសិករភូមិភឿកធ្វឹង។ ជាមួយនឹងតួនាទីថ្មីលោកឃោសនាចលនាសមាជិកយ៉ាងសកម្ម អនុវត្តគោលការណ៍គោលនយោបាយរបស់បក្ស ក្រឹត្យច្បាប់របស់រដ្ឋ ចែករំលែកបទពិសោធន៍ ឆ្ពោះទៅការផលិតរីកចម្រើន ប្រមូលផ្តុំប្រសិទ្ធភាព ស្ថេរភាព នាំមកនូវប្រាក់ចំណេញលំនឹង។ ឆ្លងតាមនោះ ជួយសមាជិកជាច្រើនមានចំណេះដឹងបន្ថែមអំពីបច្ចេកទេសធ្វើស្រែ។ល។ មកដល់ពេលនេះជីវភាពសម្ភារៈស្មារតីរបស់សមាជិកជាច្រើនបានកែលម្អឥតឈប់ឈរ សមាជិកជាច្រើនបានក្លាយជាគំរូឆ្នើមផលិតធ្វើអាជីវកម្មពូកែនៅភូមិភាគ។ មិនត្រឹមធ្វើជាគំរូក្នុងការងារសមាគមប៉ុណ្ណោះទេ លោកនៅទាំងបានកៀរគរមាមីងគប់វាល់ថវិកាថ្ងៃពលកម្មកសាងស្ពានចំនួន២ ធ្វើផ្លូវក្នុងភូមិ ដើម្បីមាមីងងាយស្រួលដឹកជញ្ជូនកសិផលរាល់ពេលប្រមូលផល។ ពិសេសឆ្នាំ២០២១ ពេលដែលកើតឡើងអាសន្នជំងឺកូវីដ-១៩ លោកកៀរគរសប្បុរសជនបានអង្ករចំនួន៦តោនជួយមាមីងក្នុងតំបន់កាត់ផ្តាច់ដោយឡែកសហការជាមួយអង្គការមហាជនឃុំកៀរគរអំណោយបាន១០០ចំណែកជូនអ្នកក្រនៅភូមិភាគ។
សមមិត្រម៉ាយវ៉ាំងត្រង-អនុប្រធានសមាគមកសិករឃុំភូតឹងឱ្យដឹង៖ នាពេលកន្លងស.មធ្វឹងតែងខិតខំជម្នះការលំបាកអនុវត្តទម្រង់រកស៊ីប្រកបដោយប្រសិទ្ធភាពឈានឡើងធូរធារ។ មិនត្រឹមតែឈានមុខក្នុងការអភិវឌ្ឍសេដ្ឋកិច្ចប៉ុណ្ណោះទេ ស.មធ្វឹងនៅទាំងជាប្រធានសាខាសមាគមកសិករគំរូអស់ពីចិត្តសកម្មក្នុងការកសាងអង្គការសមាគមឱ្យកាន់តែរីកចម្រើន សមមិត្រធ្វឹងសក្តិសមជាគំរូល្អសម្រាប់កម្មាភិបាល សមាជិករៀនសូត្រនិងយកតម្រាប់តាម៕
ថាញ់វ៉ាង-លីហាន់
Thông tin bạn đọc
Đóng Lưu thông tin