 |
| ពូត្រឹងហ៊ឺវសាង នៅភូមិទំពក់សក់អា ឃុំមីធ្វឹង ស្រុកមីទូ(សុកត្រាំង) កំពុងដាក់ស្មៅឱ្យគោស៊ី |
មកសួរសុខទុក្ខគ្រួសារពូត្រឹងហ៊ឺវសាង ជាគ្រួសារចិញ្ចឹមគោទឹកដោះសម្រេចប្រសិទ្ធភាពនៅភូមិទំពក់សក់អា ឃុំមីធ្វឹង ពីមុនគ្រួសារពូធ្វើតែស្រែ។ ឆ្នាំ២០០៤ឆ្លៀតយកដី ក្រោយផ្ទះសម្រាប់ធ្វើទ្រុងចិញ្ចឹមគោទឹកដោះ។ ចែករំលែកពីទម្រង់នេះពូសាងបានឱ្យដឹង៖ ចិញ្ចឹមគោទឹកដោះត្រូវតែឧស្សាហ៍ងូតទឹកឱ្យគោរាល់ថ្ងៃ អនាម័យទ្រុងឱ្យស្អាតបាតមុនពេលយកទឹកដោះ ទន្ទឹមនោះនៅទាំងបង្ការជំងឺមួយចំនួនដូចជាជំងឺសើស្បែក រង្គោះក្រចក រំលាយអាហារ ពេលថែទាំបានល្អនឹងផ្តល់ទឹកដោះបានច្រើន។ ដើម្បីបន្ថយថវិកានិងម្ចាស់ការប្រភពចំណីសម្រាប់គោ ពូបានយកដីស្រែ៤កុងសម្រាប់ដាំស្មៅ។ សព្វថ្ងៃ គោរបស់ពូមានចំនួន១៤ក្បាល កំពុងផ្តល់ទឹកដោះ២ក្បាល មធ្យមទទួលបានទឹកដោះចំនួន៤០គ.ក/ថ្ងៃ ជាមួយតម្លៃពី១៣.០០០-១៤.០០០ដុង/គ.ក ពូរកបានប្រាក់ចំណូលជិត៥០០ពាន់ដុង/ថ្ងៃ។ ពូសាងបានឱ្យដឹងបន្ថែម៖ ថ្មីៗនេះ ខ្ញុំលក់អស់៦ក្បាលទទួលប្រាក់១២០លានដុង។
ជាគ្រួសារពង្រីកសេដ្ឋកិច្ចពីទម្រង់ចិញ្ចឹមគោ ពូថាច់ទិន នៅភូមិបាក់យ៉ឹង ឃុំភូមី ស្រុកមីទូឱ្យដឹង៖ ពីមុនជីវភាព គ្រួសារជួបការលំបាក ដីផលិតតិច។ ឆ្នាំ២០១៩ ដោយបានមជ្ឈមណ្ឌលពេទ្យសត្វស្រុកជំនួយ៣០% គួបផ្សំប្រាក់សន្សំរបស់គ្រួសារ ខ្ញុំធ្វើទ្រុងចិញ្ចឹមគោ។ ពេលនោះ ទុនតិច មិនទាន់មានបទពិសោធន៍បច្ចេកទេសចិញ្ចឹម ម្ល៉ោះហើយគ្រាន់តែចិញ្ចឹមត្រឹម២ក្បាល។ ក្រោយមកអាស្រ័យរៀនសូត្របទពិសោធន៍ពីមាមីងក្នុងភូមិពីរបៀបចិញ្ចឹមបង្ការជំងឺ ទើបគោឆាប់ធំនិងកើតបាន២ក្បាល។ ដោយឃើញទម្រង់មានប្រសិទ្ធភាព ពូទិនទិញគោបន្ថែម២ក្បាលទៀតសម្រាប់ចិញ្ចឹម។ ពូទិនបានឱ្យដឹង៖ ខ្ញុំជម្រើសទម្រង់ចិញ្ចឹមគោពីព្រោះថែទាំតិច ចំណីរបស់គោគឺស្មៅ ចម្បើងងាយរក ដូច្នេះបន្ថយបានថវិកាក្នុងការចិញ្ចឹម ព្រមជាមួយនោះក៏មានការជំនួយបច្ចេកទេសរបស់សមាគមកសិករស្រុក។ ដោយការថែទាំល្អ ខិតខំរៀនសូត្របទពិសោធន៍ ម៉្លោះហើយគោរបស់ខ្ញុំឆាប់ធំ។ រាល់ឆ្នាំ ពូលក់ពី៤-៥ក្បាល ក្រោយពីផាត់ទាត់រួចរាល់នៅចំណេញជាង១០០លានដុង។ សព្វថ្ងៃ គោក្នុងទ្រុងនៅ១០ក្បាល។ អាស្រ័យប្រាក់ចំណូលពីការចិញ្ចឹមគោដូច្នេះគ្រួសារខ្ញុំបានចាកផុតក្រនិងលំនឹងជីវភាព ពូទិនបានឱ្យដឹងដូច្នេះ។
ពេលខាងមុខ អាស្រ័យអនុវត្តទម្រង់ចិញ្ចឹមគោទឹកដោះ គោសាច់ ម៉្លោះហើយទើបជីវភាពរបស់សមាជិក កសិករនៅលើភូមិដ្ឋានស្រុកបានលំនឹងមានឱកាសឈានឡើងធ្វើមានពីទម្រង់នេះ។ ដើម្បីផលិតពីមួយថ្ងៃកាន់តែមានប្រសិទ្ធភាព។ ពេលខាងមុខ សមាគមកសិករស្រុកនឹងសហការបណ្តាផ្នែកនានាជម្រើសទម្រង់មានប្រសិទ្ធភាព ពង្រឹងបង្វែរវិទ្យាសាស្រ្តបច្ចេកទេសចូលក្នុងផលិត បន្តការជំនួយទុនដើម្បីសមាជិក បើកទូលាយទម្រង់ផលិតដើម្បីបង្កើនប្រាក់ចំណូលឈានឡើងធ្វើមាន រួមចំណែកជម្រុញការអភិវឌ្ឍសេដ្ឋកិច្ចរបស់ភូមិភាគ-សមមិត្តវ៉ថាញ់វូ-អនុប្រធានសមាគមកសិករស្រុកមីទូបានឱ្យដឹងដូច្នេះ៕
ថាញ់វ៉ាង-សុផល
Thông tin bạn đọc
Đóng Lưu thông tin