លោកគ្រូខ្មែរអស់ពីចិត្តដើម្បីបុព្វហេតុបណ្តុះបណ្តាលធនធានមនុស្ស

លោកគ្រូយ័ញមេន-អនុប្រធានការិយាល័យកម្មវិធីសិក្សា ប្រធានក្រុមភាសាខ្មែរ-បាលី គ្រូបង្រៀនទទួលបន្ទុកភាសាខ្មែររបស់សាលាមធ្យមសិក្សាបាលីណាមបូ

បន្ទាប់ពីបញ្ចប់ការសិក្សានៅសាលាគរុកោសល្យជាន់ខ្ពស់សុកត្រាំង ឆ្នាំ២០០៦ លោកគ្រូយ័ញមេន​បាន​មកបង្រៀន​នៅសាលាមធ្យមសិក្សាបាលីណាមបូ។ លោកគ្រូបាន​បន្តសិក្សាថ្នាក់មហាវិទ្យាល័យផ្នែកអប់រំនយោបាយ​​​បន្ទាប់មកសិក្សាថ្នាក់អនុបណ្ឌិតផ្នែកវប្បធម៌។  ដោយស្នាដៃឆ្នើម លោកគ្រូបានជម្រើសឱ្យទៅសិក្សារយៈពេល២ឆ្នាំតាមកម្មវិធីបណ្តុះ​បណ្តាល​សហការ​រវាង​រដ្ឋាភិបាល​​នៃប្រ​ទេស​​​ទាំង​​ពីរ​វៀតណាម-កម្ពុ​ជានិង​ទទួល​​បាន​​វិញ្ញាបនបត្រ c ភាសា​ខ្មែរ​នៅព្រះ​រាជាណា​​ចក្រកម្ពុជា។ លោកគ្រូមេន​ឱ្យដឹង៖ ដោយបានបក្សនិងរដ្ឋ​មាន​គោល​នយោបាយ​ជំនួយ​ឧបត្ថម្ភ​ច្រើន បង្កលក្ខណៈឱ្យខ្ញុំបានសិក្សាដើម្បីមានចំណេះ​ដឹង​ខ្ពស់។ ទន្ទឹមនឹងនោះនៅទាំង​មាន​ការ​ជួយពីលោកគ្រូអ្នកគ្រូ​រួមអាជីពបងប្អូន​នៅជិត​ខាងពេលដែលខ្ញុំជួបការលំបាក។ខ្ញុំទទួល​បាន​ជោគជ័យនេះ អាស្រ័យអ្នកជំនាន់មុនបន្សល់ទុកមក បច្ចុប្បន្នខ្ញុំតបស្នងគុណដោយការបង្រៀនអក្សរដល់កូនៗជនរួមជាតិនិងព្រះសង្ឃ មិនបង្អង់លើកកម្ពស់ចំណេះវិជ្ជា ក្រមសីលធម៌​របស់គ្រូបង្រៀន។

លោកគ្រូឡឹមញឹម-ចាងហ្វាងសាលាធ្វើការបញ្ជាក់៖ លោកគ្រូយ័ញមេន​ជាអនុប្រធានការិយាល័យកម្មវិធីសិក្សា ប្រធានក្រុមភាសាខ្មែរ-បាលី គ្រូបង្រៀនទទួលបន្ទុកភាសាខ្មែររបស់សាលា។ លោកគ្រូមានចំណេះដឹងជ្រៅជ្រះអំពីភាសាបាលីនិងអក្សរខ្មែរ យល់ច្បាស់ពីវប្បធម៌ទំនៀមទម្លាប់ប្រពៃណីរបស់ជនរួមជាតិ។ ទោះបីទទួល​បន្ទុកការងារច្រើនក៏ដោយ ប៉ុន្តែលោកគ្រូយ័ញមេនតែងសម្រេចល្អភារកិច្ច។ បានដឹង លោកគ្រូក៏បានចូលរួមថ្នាក់ហ្វឹកហាត់កម្មវិធីភាសាខ្មែរនារដូវវិស្សមកាលដល់លោកគ្រូអ្នកគ្រូបង្រៀនពីរភាសា ចូលរួមបង្រៀនភាសាខ្មែរបន្តផ្ទាល់លើស្ថានីយវិទ្យុនិងទូរទស្សន៍​សុកត្រាំង ចូល​រួម​ក្រុម​ប្រឹក្សា​គ្រូប​ង្រៀនពូកែថ្នាក់​វិទ្យាល័យ អនុវិទ្យាល័យ​ សមាជិកនៃក្រុមប្រឹក្សាវាយតម្លៃសៀវភៅ ចងក្រងកម្មវិធីបណ្តុះបណ្តាលគ្រូបង្រៀន​​គរុកោសល្យភាសាខ្មែរ​កម្រិតជាន់ខ្ពស់។ ព្រាងឯកសារជាភាសាខ្មែរគ្រប់ប្រភេទដើម្បីបម្រើការងារបង្រៀនដល់​សាលា គម្រោង​​បណ្តុះ​បណ្តាល​ភាសា​ខ្មែររបស់គណៈកម្មាធិការបក្សខេត្ត។ រំលឹក​ដល់គ្រូ​យ័ញមេន សិស្សនិងមិត្តរួមអាជីព​ដឹងដល់ជាគ្រូបង្រៀនស្ម័គ្រចិត្ត​ក្នុងការគប់វាល់ច្រើនរបាយការណ៍ ការវិភាគ ប្រធានបទវិទ្យាសាស្ត្រថ្នាក់ខេត្តនិងមជ្ឈិម អនុបណ្ឌិត​យល់ដឹងអំពីវប្បធម៌ជនជាតិ  ជាមួយអត្ថបទកាសែត កំណាព្យជាភាសាខ្មែរជាច្រើន បានចុះផ្សាយតាមកាសែត វិទ្យុ ទស្សនាវដ្តីមជ្ឈិមនិងភូមិភាគ។ បច្ចុប្បន្នលោកគ្រូជាសមាជិកសមាគមអក្សសិល្ប៍សិល្បៈ​​បណ្តាជនជាតិភាគតិចវៀតណា សមាជិក​សមាគម​អក្សសិល្ប៍​សិល្បៈខេត្តសុកត្រាំង។

ជាមួយនឹងការរួមចំណែកជាក់ស្តែងរបស់ខ្លួន លោកគ្រូយ័ញមេនបានទទួលស្គាល់ច្រើនឆ្នាំ​បន្ត​បន្ទាប់ជាយុទ្ធជនប្រឡងប្រណាំងថ្នាក់មូលដ្ឋាន គ្រឿងអនុស្សាវរីយ៍របស់គណៈកម្មាធិការជនជាតិ និងប័ណ្ណសរសើរជាច្រើនរបស់គណៈកម្មាធិ​ការ​ប្រជាជនខេត្ត នគរបាលខេត្តសុកត្រាំងចំពោះ​ស្នា​ដៃឆ្នើមក្នុងការបង្រៀន ចងក្រងអភិរក្សអត្ត​សញ្ញាណវប្បធម៌ជនជាតិនិងរក្សាសន្តិសុខ​សណ្តាប់ធ្នាប់ក្នុងសាលា៕

ដា​លីន-​លីហាន់