 |
| បងស្រីទ្រឿងធីគុក(ទី២ខាងស្តាំ)ភូមិបឹងធំឃុំថាញ់គ្វើយស្រុកមីស្វៀង(សុកត្រាំង) បានឧបត្ថម្ភផ្លាស់ប្តូររបរពីគម្រោង១ |
តាមសមមិត្តថាច់យឿងញ៉ាញ-ប្រធានអនុមន្ទីរជនជាតិស្រុកមីស្វៀងជាមួយទិសស្លោក៖ "ជូនដងសន្ទូចប្រសើរជាងជូនត្រី” រដ្ឋអំណាចគ្រប់ថ្នាក់-កន្លែងមានជនរួមជាតិខ្មែររស់នៅច្រើនបានធ្វើឱ្យជាក់ស្តែងនូវគោលការណ៍ គោលនយោបាយរបស់បក្ស រដ្ឋសមស្របជាមួយលក្ខណៈជាក់ស្តែងរបស់ភូមិភាគដើម្បីមានឱកាសចាកផុតក្រឱ្យជនរួមជាតិខ្មែរដោយបានការឧបត្ថម្ភផ្លាស់ប្តូររបរដូចៈទិញគ្រឿងម៉ាស៊ីនឧបករណ៍បម្រើការផលិត។ ជាគ្រួសារទទួលផលគោលនយោបាយ បងស្រីទ្រឿងធីគុក ភូមិបឹងធំ ឃុំថាញ់គ្វើយជាគ្រួសារក្រគ្មានដីផលិត ឆ្នាំ២០២៣បានរដ្ឋអំណាចភូមិភាគពិនិត្យជួយឧបត្ថម្ភ១០លានដុងពីប្រភពទុនផ្លាស់ប្តូររបរ បងស្រីទិញម៉ូតូចាស់មួយគ្រឿងទុកធ្វើជាមធ្យោបាយសម្រាប់ប្តីទៅជួសជុលម៉ូទ័រព្រោះការងារនេះជាប្រភពចំណូលសំខាន់របស់គ្រួសារ។ សប្បាយចិត្តនឹងការជួយឧបត្ថម្ភទាន់ពេល បងស្រីគុកឱ្យដឹង៖ តាំងពីមានម៉ូតូប្តីខ្ញុំទៅជួសជុលម៉ូទ័រកាន់តែមានការងាយស្រួលជាង បន្ថយបានការចំណាយថ្លៃម៉ូតូឌុបពេលជួសជុលនៅឆ្ងាយ ដូច្នេះប្រាក់ចំណូលគ្រាន់បើជាងពេលមុន ខ្ញុំសប្បាយចិត្តណាស់និងអរគុណរដ្ឋអំណាចភូមិភាគបានយកចិត្តទុកដាក់ឧបត្ថម្ភ គ្រួសារខ្ញុំខិតខំធ្វើការរកស៊ីបង្កើនប្រាក់ចំណូលបន្ថែមឈានឡើងលំនឹងជីវភាព។
ក្រៅពីការឧបត្ថម្ភយ៉ាងសកម្មស្រុកក៏បានផ្តោតលើការផ្សព្វផ្សាយអនុវត្តគម្រោង៣ជួយដល់ការអភិវឌ្ឍផលិតតាមប្រព័ន្ធតម្លៃដូចឧបត្ថម្ភគោមេដល់គ្រួសារក្រ ក្បែរក្រដើម្បីជួយឱ្យពួកគាត់មានលក្ខណៈអភិវឌ្ឍសេដ្ឋកិច្ចទាន់ពេល ឈានឡើងចាកផុតក្រ។ មីងលីវធីសេននៅភូមិបឹងឃុំថាញ់ភូ ជាគ្រួសារក្របច្ចុប្បន្នមីងកំពុងរស់នៅជាមួយកូនប្រុសនិងម្តាយចាស់ជរាកូនរបស់មីងគ្មានការងារធ្វើលំនឹង ឯមីងប្រកបរបរដកស្មៅឆ្លូកស្រូវឈ្នួលឱ្យមាមីងនៅភូមិភាគ។ ដោយយល់ពីស្ថានភាពគ្រួសាររបស់មីងសេន ឆ្នាំ២០២៤រដ្ឋអំណាចពិនិត្យឧបត្ថម្ភគោមេ១ក្បាលដើម្បីគ្រួសារមីងមានលក្ខណៈអភិវឌ្ឍសេដ្ឋកិច្ច។ “បានបក្សរដ្ឋយកចិត្តទុកដាក់ឧបត្ថម្ភគោមេ១ក្បាលខ្ញុំសប្បាយចិត្តខ្លាំងណាស់ ខ្ញុំនឹងខិតខំថែទាំដើម្បីគោឆាប់ធំ” មីងសេនបានឱ្យដឹងដូច្នេះ។
ដោយមានការឧបត្ថម្ភទាន់ពេលពីបណ្តាកម្មវិធីគោលនយោបាយរបស់បក្ស រដ្ឋ ជីវភាពរបស់ប្រជាជនពិសេសជនរួមជាតិខ្មែរមានការផ្លាស់ប្តូរយ៉ាងសកម្ម អត្រាគ្រួសារក្រក្នុងជនជាតិភាគតិចនៅត្រឹម១៨៦គ្រួសារ (ឆ្នាំ២០២៣) ស្រូបអត្រា១,៣៦%ថយចុះ០,៤៨% បើប្រៀបនឹងឆ្នាំ២០២២ សមមិត្តថាច់យឿងញ៉ាញ-ប្រធានអនុមន្ទីរជនជាតិស្រុកមីស្វៀងឱ្យដឹងដូច្នេះ។
អាចឃើញថា បណ្តាលគោលនយោបាយឧបត្ថម្ភការអភិវឌ្ឍសេដ្ឋកិច្ចនៅតំបន់ជនជាតិភាគតិចបាននិងកំពុងរួមចំណែកលើកកម្ពស់ជីវភាពសម្ភារៈស្មារតីរបស់មាមីងទិដ្ឋភាពតំបន់ជនរួមជាតិខ្មែររស់នៅច្រើនកាន់តែមានភាពរីកចម្រើន។ លទ្ធផលដែលសម្រេចបានបង្ហាញឱ្យឃើញពីការយកចិត្តទុកដាក់ការឧបត្ថម្ភរបស់បក្ស រដ្ឋពិសេសការប្តេជ្ញាឈានឡើងចាកផុតក្ររបស់មាមីងនៅភូមិដ្ឋាននាពេលកន្លង៕
ថាញ់វ៉ាង-លីហាន់
Thông tin bạn đọc
Đóng Lưu thông tin