បងស្រីទ្រិញធីង៉ុក (ខាងស្តាំ) នៅភូមិទំពក់សក់បេ១ ឃុំមីធ្វឹង ស្រុកមីទូ (សុកត្រាំង) រីករាយពេលបានរដ្ឋជំនួយផ្ទះនៅ |
តាមសមមិត្តផាងថាញ់ខាយ-អនុប្រធានគណៈកម្មាធិការប្រជាជនឃុំមីធ្វឹង ឆ្នាំ២០២៣និងឆ្នាំ២០២៤ ដោយបានបែងពីប្រភពទុនកម្មវិធី គណៈកម្មាធិការបក្ស រដ្ឋអំណាចឃុំបានផ្សព្វផ្សាយអនុវត្តគម្រោង១ កសាងផ្ទះនៅឱ្យគ្រួសារក្រចំនួន២០គ្រួ ជំនួយបង្វែររបរឱ្យគ្រួសារក្រចំនួន៣គ្រួ គម្រោង៤ ឃុំបានវិនិយោគកសាងដងផ្លូវចូលអគារប្រជុំជីវភាពសហគមន៍ភូមិទំពក់សក់បេ១ សរុបថវិកាជាង១ពាន់លានដុង។ល។ ជាគ្រួសារបានទទួលផលពីគោលនយោបាយ បងស្រីទ្រិញធីង៉ុកនៅភូមិទំពក់សក់បេ១ ឃុំមីធ្វឹងបានឱ្យដឹង៖ ដោយបានរដ្ឋជំនួយ៤៤លានដុង ខ្ញុំបុលបន្ថែម៤០លានដុងទៀតសម្រាប់សង់ផ្ទះបានរឹងមាំ ខ្ញុំរីករាយនិងអរគុណបក្សនិងរដ្ឋណាស់ដែលបានយកចិត្តទុកដាក់ឧបត្ថម្ភមានផ្ទះរឹងមាំ គ្រួសារខ្ញុំមិនបារម្ភពីភ្លៀងលេចដូចពីមុនទៀតឡើយ។ បានដឹង បងង៉ុកជាគ្រួសារក្រ គ្មានដីផលិត ប្តីប្រពន្ធបងធ្វើការឈ្នួលសម្រាប់ផ្គត់ផ្គង់ជីវភាពគ្រួសារ ប្រាក់បានមកគ្រប់តែចាយវាយក្នុងគ្រួសារ ម៉្លោះហើយគ្មានលទ្ធភាពសង់ផ្ទះបានរឹងមាំ សព្វថ្ងៃបានរដ្ឋអំណាចពិនិត្យសង់ផ្ទះឱ្យខ្ញុំមានកន្លែងនៅបានលំនឹងស្ងប់ចិត្តពលកម្មផលិត ឈានឡើងចាកផុតក្រ។ ទន្ទឹមនឹងផ្សព្វផ្សាយអនុវត្តគម្រោង១ គម្រោង៤ ឃុំនៅទាំងសកម្មអនុវត្តគម្រោង៣ គឺជំនួយអភិវឌ្ឍផលិតតាមប្រព័ន្ធតម្លៃ (ពង្រីកការផលិត ការងារបង្កបងើ្កនផលសហគមន៍) ដើម្បីមាមីងមានលក្ខណៈពង្រីកការផលិត។ ឆ្នាំ២០២៤ ឃុំជំនួយគោចំនួន២៨ក្បាលជាមួយថវិកាជាង៤០០លានដុង។ គ្រួសារពូឡឹមស៊ីណា ភូមិទំពក់សក់សេ១ ឃុំមីធ្វឹង ជាគ្រួសារក្ររស់នៅម្នាក់ឯង រាល់ថ្ងៃពូធ្វើការសំណង់សម្រាប់ផ្គត់ផ្គង់ជីវភាពរស់នៅ ឆ្នាំ២០២៤ បានរដ្ឋអំណាចពិនិត្យជំនួយគោ២ក្បាលតាមគម្រោង៣ ពីការជំនួយអភិវឌ្ឍផលិតតាមប្រព័ន្ធតម្លៃ។ រីករាយការជំនួយនេះ ពូស៊ីណាបានឱ្យដឹង៖ អរគុណបក្សនិងរដ្ឋណាស់ដែលបានជំនួយគោឱ្យគ្រួសារខ្ញុំ ដូច្នេះខ្ញុំនឹងខិតខំថែទាំគោឱ្យបានល្អ។ ក្រោយពីផ្សព្វផ្សាយបណ្តាកម្មវិធីគម្រោងរបស់បក្សនិងរដ្ឋចំពោះជនរួមជាតិខ្មែរទើបជីវភាពរបស់មាមីងមានភាពវិវត្តន៍យ៉ាងសកម្ម។ អត្រាគ្រួសារក្ររបស់ឃុំឆ្នាំ២០២២គឺ២,៣៤% ថយចុះនៅត្រឹមតែ០,៩៦% (ឆ្នាំ២០២៣) ការងារបណ្តុះបណ្តាលរបរ ដោះស្រាយការងារធ្វើឱ្យពលករក្រ សម្រេច៨០% បើប្រៀបនឹងផែនការ។ល។ ដើម្បីអនុវត្តមានប្រសិទ្ធភាពបណ្តាកម្មវិធីគម្រោង ពេលខាងមុខ គណៈកម្មាធិការបក្ស រដ្ឋអំណាចភូមិភាគបានសហការអនុវត្តល្អដើម្បីជនរួមជាតិខ្មែរមានលក្ខណៈពលកម្មផលិត ឆាប់បានចាកផុតក្រ។ សមមិត្តឡេផាងអ៊ុកលើង-ប្រធានគណៈកម្មាធិការប្រជាជនឃុំមីធ្វឹងបានឱ្យដឹងដូច្នេះ។
អាចនិយាយបានថា កម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចលើភូមិដ្ឋានឃុំមីធ្វឹងបានផ្សព្វផ្សាយអនុវត្តទាន់ពេលនិងមានប្រសិទ្ធភាព។ តាមនោះ រួមចំណែកលើកកម្ពស់ជីវភាពសម្ភារៈនិងស្មារតីឱ្យមាមីង ទិដ្ឋភាពតំបន់ដែលមានជនរួមជាតិខ្មេររស់នៅកុះករមិនបង្អង់អភិវឌ្ឍ៕
ថាញ់វ៉ាង-សុផល
Thông tin bạn đọc
Đóng Lưu thông tin