 |
| ដោយសារគោលនយោបាយវិនិយោគផ្លូវជនបទនៅតំបន់ជនរួមជាតិខ្មែរនៅស្រុកមីស្វៀងបានកសាងរឹងមាំ |
ប៉ុន្មានឆ្នាំកន្លង ស្រុកមីស្វៀងបានផ្តោតលើការផ្សព្វផ្សាយព្រមៗគ្នា ប្រសិទ្ធភាពនូវកម្មវិធីទិសដៅជាតិចំនួន៣គឺការអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំ កម្មវិធីទិសដៅជាតិកសាងជនបទថ្មីនិងកម្មវិធីជាតិបន្ថយក្រស្ថេរភាពនាំមកនូវភាពជាក់ស្តែង។ ជាក់ស្តែង ដំណាក់កាល២០១៩-២០២៤ កម្មវិធីទិសដៅជាតិកសាងជនបទថ្មីបានដាក់ឱ្យប្រើប្រាស់សំណង់ចំនួន២៦៩ សរុបថវិកាជាង២.២១៧ពាន់លានដុង។ បច្ចុប្បន្ន ទូទាំងស្រុកមាន៨ឃុំបានសម្រេចស្តង់ដារជនបទថ្មីលើកកម្ពស់និង១ឃុំសម្រេចស្តង់ដារជនបទថ្មីគំរូ។ ដោយឡែកកម្មវិធីទិសដៅជាតិបន្ថយក្រស្ថេរភាពនិងកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច ស្រុកបានឧបត្ថម្ភអភិវឌ្ឍផលិតដើម្បីបង្កើតរបរសម្បូរបែបឱ្យ១០០គ្រួសារ វិនិយោគ៩០សំណង់កសាងផ្លូវជនបទចំនួន៤ សំណង់សង់ថ្មីនិងជួសជុលផ្សារ ឧបត្ថម្ភផ្ទះនៅ ដីនៅឱ្យគ្រួសារក្រ បណ្តុះបណ្តាលរបរឱ្យសិក្ខាកាមចំនួន១.០០០រូប។ល។ រួមចំណែកកែលម្អជីវភាពជនរួមជាតិខ្មែរ។ ពូកាវដូរា អ្នកមានប្រិយភាពនៅឃុំថាញ់ភូនិយាយ៖ បច្ចុប្បន្ន ភូមិស្រុកនៅតំបន់ជនរួមជាតិខ្មែរមានការអភិវឌ្ឍខ្លាំងជាងពីមុន គ្មានផ្ទះបណ្តោះអាសន្នទៀត។ ផ្លូវបេតុងបានតភ្ជាប់ភូមិភាគផ្សេងៗ ដូច្នេះ ការជួញដូរទំនិញមានភាពងាយស្រួល ប្រឡាយធារាសាស្ត្រមានទឹកសាបឱ្យមាមីងផលិតស្រូវ២រដូវ/ឆ្នាំ អគ្គិសនី សាលារៀន ដំណាក់សុខាភិបាល។ល។ មានគ្រប់ទាំងអស់ ម្ល៉ោះហើយកូនចៅខ្មែរក៏បានរៀនសូត្រ។ ហេតុដូច្នេះ ការយល់ដឹងរបស់មាមីងខ្មែរកាន់តែបានលើកកម្ពស់ ការយល់ដឹងអំពីការអនុវត្តគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋកាន់តែល្អនិងរួមកម្លាំងជាមួយរដ្ឋអំណាចកសាងភូមិស្រុក។ មីងយ័ញ ធីហាន់ នៅភូមិដាយងៀថាំង ឃុំដាយតឹមនិយាយ៖ បានរដ្ឋឧបត្ថម្ភផ្ទះនៅខ្ញុំសប្បាយចិត្តខ្លាំងណាស់ ដូច្នេះហើយមិនបារម្ភពីស្ថានភាព “ចាំងក្តៅ ភ្លៀងលេច” ដូចពីមុនទៀតហើយ។ ទន្ទឹមនឹងនោះ នៅទាំងបានទទួលជំនួយបុលទុនពីរដ្ឋដើម្បីធ្វើការរកស៊ី ដូច្នេះ ប្តីប្រពន្ធខិតខំដាំបន្លែដើម្បីមានប្រាក់ចំណូលលំនឹងឈានឡើងចាកផុតក្រ។
លោកង្វៀងមិញទ្រី-អនុប្រធានប្រចាំការគណៈកម្មាធិការប្រជាជនស្រុកមីស្វៀងបានបញ្ជាក់ថា៖ តំបន់ជនរួមជាតិខ្មែរនៅលើភូមិដ្ឋានស្រុកមានការអភិវឌ្ឍដូចសព្វថ្ងៃ ដោយសារការយកចិត្តទុកដាក់របស់បក្ស រដ្ឋផ្សព្វផ្សាយគោលនយោបាយអាទិភាពវិនិយោគអភិវឌ្ឍតំបន់ជនជាតិភាគតិច។ ទន្ទឹមនឹងនោះ ម្ចាស់ការច្នៃប្រឌិត ខ្នះខ្នែងក្នុងការផ្សព្វផ្សាយអនុវត្តគោលនយោបាយរបស់គណៈកម្មាធិការបក្ស រដ្ឋអំណាចនិងការឈានឡើងរបស់ជនរួមជាតិ ម្ល៉ោះហើយ ពង្រីកមានប្រសិទ្ធភាពជីវភាពជនរួមជាតិខ្មែរមានការរីកចម្រើនគ្រប់វិស័យ។ មកដល់ពេលនេះ អត្រាគ្រួសារក្រក្នុងជនរួមជាតិខ្មែររបស់ស្រុកនៅត្រឹម១,២៨% (ស្មើនឹង១៩០គ្រួសារ) ប្រាក់ចំណូលមធ្យមក្នុងមនុស្សម្នាក់សម្រេច៦៦,៧លានដុង។ អាចបញ្ជាក់បានថា ពីបណ្តាកម្មវិធីគោលនយោបាយផ្សព្វផ្សាយចំពោះជនរួមជាតិខ្មែរ ពិសេស តំបន់លំបាកបានយកចិត្តទុកដាក់ផ្សព្វផ្សាយទាន់ពេល ដូច្នេះ លទ្ធផលសម្រេចបានគួរឱ្យកត់សំគាល់ បណ្តាកម្មវិធីគោលនយោបាយវិនិយោគបានបង្កការឯកភាពក្នុងសង្គម រួមចំណែកអនុវត្តជាក់ស្តែងមួយជំហានម្តងៗ បានកែលម្អ លើកកម្ពស់ជីវភាពរបស់ជនរួមជាតិ ធ្វើឱ្យទិដ្ឋភាពជនបទមួយថ្ងៃកាន់តែរីកចម្រើន៕
ដាលីន-លីហាន់
Thông tin bạn đọc
Đóng Lưu thông tin