 |
| សមមិត្តជ្វៀង(ឈរទី២ពីស្តាំមក)ចុះពិនិត្យស្ពានដងផ្លូវជនបទនៅភូមិញឹក |
សមមិត្តប៊ូយថាញ់ជ្វៀងតែងមានស្មារតីភារៈរបស់បក្ខជន តែងខិតខំក្នុងការងារដោយអស់ពីចិត្តនិងគំរូឈានមុខរាល់ការចលនា។ ក្រៅពីនោះសមមិត្តនៅទាំងផ្សព្វផ្សាយចលនាកម្មាភិបាល បក្ខជននិងប្រជាជនអនុវត្តល្អគោលនយោបាយរបស់បក្សនិងក្រឹត្យច្បាប់របស់រដ្ឋ ចូលរួមបណ្តាភារកិច្ចអភិវឌ្ឍសេដ្ឋកិច្ច-សង្គមធានាការពារប្រទេសសន្តិសុខនៅភូមិភាគ។ ក្នុងការកសាងជនបទថ្មី សមមិត្តបានផ្សព្វផ្សាយចលនាប្រជាជនគប់វាល់កសាងស្ពាន ផ្លូវគមនាគមន៍ជនបទ ហេដ្ឋារចនាសម្ព័ន្ធគមនាគមន៍មិនទាន់បានរលូនមិនទាន់តាមផែនការ បណ្តាដងផ្លូវតភ្ជាប់ពីភូមិមួយទៅភូមិមួយចម្បងគឺផ្លូវដានទទឹង២ម៉ែត្រនិងផ្លូវដីមិនទាន់កសាងបានល្អបង្កភាពលំបាកក្នុងការដឹកជញ្ជូនកសិផលនិងការធ្វើដំណើររបស់មាមីងជួបការលំបាក។
អាស្រ័យការវិនិយោគរបស់រដ្ឋ បណ្តាកម្មវិធី គម្រោង បំផុតគឺការស្របមតិរបស់ប្រជាជនឆ្លងតាមរយៈការស្ម័គ្រចិត្តបរិច្ចាគដី កម្លាំងពលកម្មដំណាំ។ល។ សព្វថ្ងៃបណ្តាដងផ្លូវជនបទបានចាក់បេតុងរឹងមាំទាំង១០០% ផ្លូវតភ្ជាប់ពីភូមិមួយទៅភូមិមួយបានកសាងរឹងមាំជាង៩០%និងដងផ្លូវឆ្លងកាត់វាលស្រែសម្រាប់ការដឹកជញ្ជូនកសិផលសម្រេចជាង៩០%ដោយថវិការដ្ឋ និងប្រជាជនរួមគ្នាធ្វើជិត៧,៦ពាន់លានដុង។ អាស្រ័យមានប្រិយភាពនិងសមត្ថភាពក្នុងការផ្សព្វផ្សាយចលនារបស់សមមិត្តជ្វៀង ទើបបណ្តាសំណង់សហគមន៍នៅភូមិភាគបានកសាងពីប្រភពទុនសង្គមូបនីយកម្ម។ សមមិត្តក្វាច់ចយ លេខាសាខាបក្សភូមិញឹក ឃុំចូវខាញ់ បានឱ្យដឹង៖ អនុវត្តការចលនាប្រឡងប្រណាំង “ប្រជាចលនាពូកែ” បំផុតគឺអនុវត្តទម្រង់ “ប្រជាចលនាពូកែ” ចលនាប្រជាជនព្រួតដៃកសាងជនបទថ្មី យើងខ្ញុំបានចលនាកម្មាភិបាល បក្ខជននិងប្រជាជនគប់វាល់កម្លាំងពលកម្មជិត២០០ថ្ងៃ ដើម្បីកសាងស្ពានតភ្ជាប់ពីភូមិតឺនិងភូមិញឹក បង្កលក្ខណៈងាយស្រួលធ្វើដំណើរទៅមកនិងដឹកជញ្ជូនកសិផលទាំងរដូវប្រាំងនិងវស្សា ក្រៅពីនោះ យើងខ្ញុំនៅទាំងចលនាសង្គមូបនីយកម្មដើម្បីដាក់អំពូលភ្លើងអគ្គិសនីអុជបំភ្លឺពេលយប់ ដាក់កាមេរ៉ាសុវត្ថិភាព កសាងទម្រង់ “ប្រជាចលនាពូកែ” ដងផ្លូវអុជបំភ្លឺ បណ្តាទម្រង់នេះតែងបានប្រជាជនស្របមតិគាំទ្រ។ ពិសេសនៅភូមិញឹកមានជិត២០គ្រួសារបានបរិច្ចាគដីឱ្យរដ្ឋដើម្បីបើកដងផ្លូវប្រវែង១,៥គីឡូម៉ែត្រទទឹង៣ម៉ែត្រ តភ្ជាប់ពីដងផ្លូវបេតុងភូមិញឹកទល់នឹងផ្លូវខេត្តលេខ៩៣៥B។ លោកវ៉ហ្វាងមួន ប្រជាជននៅតាមផ្លូវនេះក៏បានបរិច្ចាគដីឱ្យរដ្ឋជិត២០០ម២ និងមាមីងក្នុងភូមិដើម្បីកសាងផ្លូវដាននេះបានឱ្យដឹង៖ ពេលមិនទាន់មានផ្លូវនេះ ធ្វើដំណើរទៅមកនិងដឹកជញ្ជូនកសិផលជួបការលំបាក ឆ្ងាយពីផ្លូវធំប្រហែល១គីឡូម៉ែត្រ ពេលប្រមូលផលផ្លែឈើបន្លែ ឈ្មួញមិនមកទិញ ប៉ុន្តែសព្វថ្ងៃផ្សេងហើយ មាមីងនៅទីនេះបានដឹកជញ្ជូនកសិផលទៅលក់នៅផ្សារ លក់បានថ្លៃផង និងលក់ឆាប់អស់ទៀត ដូច្នេះប្រមូលផលម្តងៗចំណេញបានច្រើន។
ជាមួយនឹងលទ្ធផលដែលសម្រេចបានក្នុងការងារប្រជាចលនា បានរួមចំណែកជម្រុញសេដ្ឋកិច្ច-សង្គមនៅភូមិភាគពីមួយថ្ងៃកាន់តែរីកចម្រើន សន្តិសុខនយោបាយរក្សាបានលំនឹងជីវភាពប្រជាជនក្នុងឃុំពីមួយថ្ងៃកាន់តែបានកែលម្អ ទិដ្ឋភាពជនបទតែងមានភាពផ្លាស់ថ្មី។ សមមិត្តប៊ូយថាញ់ជ្វៀងតែងបានប្រជាជនស្រឡាញ់រាប់អាន បានគណៈកម្មាធិការបក្ស រដ្ឋអំណាចគ្រប់ថ្នាក់ទំនុកចិត្ត៕
ចន្ថា-សុផល
Thông tin bạn đọc
Đóng Lưu thông tin