 |
| ទម្រង់ដាំក្រូចតែគួបផ្សំចិញ្ចឹមត្រីរបស់បងយឿងថាយង៉ុក(ខាងឆ្វេង)នៅឃុំភូតឹង ស្រុកចូវថាញ់ (សុកត្រាំង) នាំមកនូវប្រសិទ្ធភាព |
ចូលទស្សនាទម្រង់ដាំក្រូចតែរបស់គ្រួសារបងយឿងថាយង៉ុក ជាសមាជិកអតីតយុទ្ធជនភូមិភឿកភុង ឃុំភូតឹង បងង៉ុកបានឱ្យដឹង៖ ពីមុនខ្ញុំដាំដូង ប៉ុន្តែដោយឃើញទម្រង់ដាំក្រូចតែរបស់ពូខ្ញុំផ្តល់ទិន្នផលខ្ពស់ ងាយដាំ ងាយថែទាំ តិចមានដង្កូវ ច្រកចេញលំនឹង ម៉្លោះហើយឆ្នាំ២០២៣ ខ្ញុំបានបង្វែរពីដាំដូងមកដាំក្រូចតែសាកល្បងចំនួន២៥០ដើម។ ដើម្បីរក្សាដើមក្រូចឱ្យរឹងមាំ រដូវដំបូងបងង៉ុកបានបេះផ្កាចោល ក្រោយពីបេះផ្កាចោល សព្វថ្ងៃក្រូចតែកំពុងលូតលាស់ល្អ និងកំពុងផ្តល់ផ្លែ។ គិតទៅប្រហែល២ខែទៀតនឹងប្រមូលផល មធ្យម៥០គ.ក/ថ្ងៃ លក់ដោយតម្លៃពី៧.០០០-១៨.០០០ដុង/គ.ក ថ្វីដ្បិតតែតម្លៃក្រូចតែមិនបានដូចផ្លែឈើដទៃ ប៉ុន្តែវាបានលំនឹងជាងពីព្រោះផ្តល់ផ្លែជុំឆ្នាំនិងរកបានច្រកចេញលំនឹង សព្វថ្ងៃក្រូចតែទីផ្សារនិយមចូលចិត្ត។ ក្រៅពីដាំក្រូចតែ បងង៉ុកនៅទាំងជីកស្រះចិញ្ចឹមត្រីត្រចៀកដំរីដើម្បីរកប្រាក់ចំណូលបន្ថែម។ ក្រោយពីចិញ្ចឹមជិតមួយឆ្នាំប្រមូលផលបានប្រហែល២៥០គីឡូក្រាម ដោយតម្លៃ៥០.០០០ដុង/គីឡូក្រាម ក្រោយពីផាត់ទាត់រួចរាល់ បងង៉ុកនៅចំណេញ៨លានដុង។ ចំណែកបងឡឹមង៉ុកថន ជាសមាជិកអតីតយុទ្ធជនភូមិភឿកហ្វា ឃុំភូតឹងជាគ្រួសារឈានឡើងធូរធារអាស្រ័យអនុវត្តទម្រង់ចិញ្ចឹមជ្រូក គួបផ្សំបិតស្រា។ នាំយើងខ្ញុំទស្សនាទម្រង់របស់គ្រួសារ បងថនបានឱ្យដឹង៖ កាលពីមុន ជីវភាពគ្រួសារជួបលំបាក ប្រភពចំណូលរបស់គ្រួសារគឺបានត្រឹមតែស្រែ២កុង កាលនៅធ្វើស្រែទិន្នផលទាប មិនគ្រប់ផ្គត់ផ្គង់ជីវភាពគ្រួសារ ម្ល៉ោះហើយ ឆ្នាំ២០១០គ្រួសារបងបានបុលទុនពីធនាគារគោលនយោបាយចំនួន៥លានដុងសម្រាប់វិនិយោគឡបិតស្រានិងសន្សំបានប្រាក់ខ្លះក៏ទិញជ្រូកមេ២ក្បាលមកចិញ្ចឹមដើម្បីរកប្រាក់ចំណូលដល់គ្រួសារ។ ដោយឃើញទម្រង់នាំមកនូវប្រសិទ្ធភាព ឆ្នាំ២០២០ គ្រួសារបងបុលបន្ថែម៤០លានដុងសម្រាប់ធ្វើឡបិតស្រាចំនួន៣ទៀត។ សព្វថ្ងៃបងបិតស្រាក្នុង៤ឡបានប្រហែល១៧០លីត្រ ដោយតម្លៃ១២.០០០ដុង/លីត្រ ទន្ទឹមនឹងនោះ ចិញ្ចឹមជ្រូកសាច់ឡើងដល់២០ក្បាល/លើក។ បងថនបានឱ្យដឹង៖ អាស្រ័យប្រភពចំណូលប្រហែល៤០០លានដុង/ឆ្នាំពីទម្រង់ចិញ្ចឹមជ្រូកគួបផ្សំនឹងបិតស្រា ដូច្នេះជីវភាពគ្រួសារខ្ញុំតែងបានធូរធារនិងគិតអានឱ្យកូនរៀនសូត្របានត្រឹមត្រូវ។
សមមិត្តទ្រីវក្វុកណាម-ប្រធានសមាគមអតីតយុទ្ធជនឃុំភូតឹងបានឱ្យដឹង៖ ទម្រង់ដាំដុះគួបផ្សំនឹងចិញ្ចឹមជ្រូកនិងបិតស្រាបាននាំមកនូវប្រសិទ្ធភាព ជួយសមាជិកអតីតយុទ្ធជនលើភូមិដ្ឋានឃុំលើកកម្ពស់ប្រាក់ចំណូលលំនឹងជីវភាព។ ដើម្បីទម្រង់នាំមកនូវប្រសិទ្ធភាពសេដ្ឋកិច្ច ពេលខាងមុខ សមាគមនឹងសហការចាត់តាំងបណ្តាថ្នាក់ហ្វឹកហាត់ពីវិទ្យាសាស្រ្តបច្ចេកទេសដាំដុះ ចិញ្ចឹមសត្វ បង្កលក្ខណៈដើម្បីសមាជិកបើកទូលាយទម្រង់ផលិត ណែនាំបណ្តាវិធានការបង្ការជំងឺដើម្បីបន្ថយហានិភ័យ បង្កើនទិន្នផលក្នុងការដាំដុះ ចិញ្ចឹមសត្វ៕
ថាញ់វ៉ាង-សុផល
Thông tin bạn đọc
Đóng Lưu thông tin