ទម្រង់ដាំត្រសក់របស់បងលីដឿងនៅភូមិបឹងកក់ឃុំភូមី ស្រុកមីទូ (សុកត្រាំង) ផ្តល់ប្រាក់ចំណូលខ្ពស់ |
ប៉ុន្មានថ្ងៃនេះ គ្រួសារបងលីដឿងនៅភូមិបឹងកក់ ឃុំភូមីកំពុងមមាញឹកប្រមូលផលត្រសក់ដែលដាំបានជាងមួយខែកន្លងមក។ តាមបងដឿង រដូវនេះគ្រួសារបងដាំត្រសក់បាន២.០០០ម២ នេះជាប្រភេទដំណាំដែលគ្រួសារបងនិងមាមីងនៅភូមិភាគដាំច្រើនឆ្នាំមកហើយនិងផ្តល់ប្រាក់ចំណូលខ្ពស់។ រដូវត្រសក់ឆ្នាំនេះទទួលបានទិន្នផលមធ្យម សម្រេចបានជាង៦តោន/កុង។ ដោយអាទិភាពជាដំណាំខ្លីថ្ងៃ បច្ចេកទេសដាំងាយស្រួលធ្វើទ្រើងដោយដើមឫស្សីប្រើសំណាញ់និងក្រាលកៅស៊ូតាមរងអាចប្រើបានពី៣-៥ឆ្នាំ។ ដល់ពេលប្រមូលផលមានឈ្មួញមកទិញដល់កន្លែងតម្លៃពី៩.០០០-១០.០០០ដុង/គ.ក ចំណែកចុងរដូវតម្លៃពី៦.០០០-៧.០០០ដុង/គ.ក ក្រោយពីផាត់ទាត់រួចរាល់នៅចំណេញប្រហែល៦០លានដុង/រដូវ ខ្ពស់ជាងបើប្រៀបនឹងដាំប្រភេទបន្លែដទៃ ដូច្នេះទើបបានមាមីងនៅទីនេះនិយមចូលចិត្តដាំ-បងដឿងបានឱ្យដឹងដូច្នេះ។ ជាង១០ឆ្នាំមានបទពិសោធន៍ក្នុងការដាំដំណាំខ្លីថ្ងៃគ្រប់ប្រភេទ ក្នុងនោះមានត្រសក់ គ្រួសារបងដូសាវណ្ណនៅភូមិបឹងកក់ឱ្យដឹង៖ គ្រួសារខ្ញុំមានដីចំការ៣កុងដាំឆ្លាស់ដំណាំគ្រប់ប្រភេទដូចស្ពៃក្រញាញ់ ខ្ទឹមនិងត្រសក់។ រដូវនេះខ្ញុំដាំត្រសក់លើផ្ទៃដី៣កុង ដាំបានប្រហែល៣៥ថ្ងៃគឺអាចប្រមូលផល។ មធ្យមក្នុងមួយរដូវត្រសក់អាចប្រមូលផលពី២៥-៣០ថ្ងៃទិន្នផលសម្រេចពី១៧-១៨តោន/កុងលក់ដោយតម្លៃពី៧.០០០-១០.០០០ដុង/គ.ក ក្រោយពីផាត់ទាត់រួចរាល់ខ្ញុំនៅចំណេញជាង៧០លានដុង។ បងសាវណ្ណបានឱ្យដឹង៖ ត្រសក់ជាប្រភេទដំណាំងាយដាំសមស្របជាមួយដីនៅភូមិភាគនេះ លក់បានថ្លៃម៉្លោះហើយប៉ុន្មានឆ្នាំជិតៗ នេះគ្រួសារខ្ញុំបានអនុវត្តទម្រង់នេះ២រដូវ/ឆ្នាំ។ អាស្រ័យអនុវត្តទម្រង់ខាងលើមានសមាជិកអតីតយុទ្ធជនជាច្រើនលើភូមិដ្ឋានឃុំជាជំហានលើកកម្ពស់ប្រាក់ចំណូលឈានឡើងលំនឹងជីវភាព។
ដោយឃើញទម្រង់ដាំត្រសក់នាំមកនូវប្រសិទ្ធភាពនិងសមស្របជាមួយលក្ខណៈរបស់ភូមិភាគសមាគមអតីតយុទ្ធជនឃុំភូមីនឹងចលនាបង្កលក្ខណៈងាយស្រួលដល់សមាជិកបើកទូលាយផ្ទៃដីដាំដុះ រួមចំណែកលើកកម្ពស់ប្រាក់ចំណូលកែលម្អជីវភាព។ ដើម្បីទម្រង់នេះអភិវឌ្ឍដោយចីរភាព ក្នុងពេលខាងមុខសមាគមនឹងសហការជាមួយបណ្តាផ្នែកជំនាញនានា បើកថ្នាក់ហ្វឹកហាត់ពីវិទ្យាសាស្រ្ត-បច្ចេកទេស កសាងផែនការផលិតជាក់ស្តែង ណែនាំបច្ចេកទេសថែទាំដល់សមាជិកលើភូមិដ្ឋានឃុំ-សមមិត្តយឿងគីមប៊ិញ ប្រធានសមាគមអតីតយុទ្ធជនឃុំភូមីបានឱ្យដឹងដូច្នេះ៕
ថាញ់វ៉ាង-លីហាន់
Thông tin bạn đọc
Đóng Lưu thông tin