ទម្រង់ផលិតស្រូវរួមជាមួយសេវាភ្ជួរដីរបស់ពូឡឹមអេម ឃុំអាងហ៊ីប ស្រុកចូវថាញ់ (សុកត្រាំង) ផ្តល់ប្រាក់ចំណូលខ្ពស់ |
មានឱកាសជួបសំណេះសំណាលជាមួយពូឡឹមអេម ភូមិកំពង់ទ្រព្យបេ ឃុំអាងហ៊ីប ជាមួយទម្រង់ផលិតធ្វើអាជីវកម្មគំរូឆ្នើម ពូអេមចែករំលែក៖ ខ្ញុំបង្កើតអាជីពជាមួយដីស្រែចំនួន៤,៥កុង។ ជាមួយប្រាក់ចំណូលពីដីស្រែប៉ុន្មានកុងរបស់គ្រួសារ បើចង់គ្រប់ចិញ្ចឹមជីវិតនិងកូនរៀនសូត្រមិនងាយទេ។ ប្រឈមមុខនឹងការលំបាកទាំងនេះ ខ្ញុំមានក្តីបារម្ភខ្លាំង គិតយ៉ាងណាដើម្បីបង្កើនផលិត ប្រិតសំចៃពេលវេលា កម្លាំងផង មានប្រាក់ចំណូលបន្ថែមផង ដូច្នេះ ខ្ញុំបានគិត ជាមួយប្រពន្ធសម្រេចខ្ចីប្រាក់ពីសាច់ញាតិទិញម៉ាស៊ីនភ្ជួរដីដើម្បីបម្រើការធ្វើស្រែរបស់គ្រួសារផង ធ្វើសេវាឱ្យមាមីងនៅភូមិភាគផង។ ដោយការអនុវត្តទម្រង់ផលិតសមស្របនឹងលក្ខណៈភូមិភាគ តាំងពីនោះ ជីវភាពគ្រួសាររបស់ពូបានកែលម្អបន្តិចម្តងៗ។ តាមពូអេម នាពេលកន្លង ដោយការឧស្សាហ៍ព្យាយាមពលកម្មផលិតប្រិតសំចៃក្នុងការចំណាយរៀងរាល់ឆ្នាំ គ្រួសារពូទិញដីស្រែបានចំនួន៣កុង គិតមកដល់បច្ចុប្បន្ន ពូមានដីស្រែសរុបចំនួន៤០កុង ផលិត៣រដូវ/ឆ្នាំ បន្ទាប់ពីគិតការចំណាយរួចពូនៅចំណេញប្រហែល២០០លានដុង។ ពីប្រភពចំណូលខាងលើ ឆ្នាំ២០២១ ពូវិនិយោគទិញម៉ាស៊ីនភ្ជួរដីនិងម៉ាស៊ីនមូរចំបើង។ “ទម្រង់ផលិតស្រូវគួបផ្សំជាមួយការធ្វើសេវាដូចៈ ភ្ជួរដី មូរចំបើងលក់ឱ្យមាមីងនៅភូមិភាគខ្ញុំទទួលបានប្រាក់ចំណូលប្រហែល៤០០លានដុង/ឆ្នាំ” ពូអេមឱ្យដឹងដូច្នេះ។ ជាគ្រួសារដែលកំពុងផ្លាស់ប្តូររចនាសម្ព័ន្ធដំណាំយ៉ាងសកម្ម មួយជំហានម្តងៗបាននាំមកនូវប្រសិទ្ធភាពសេដ្ឋកិច្ច បងគីមវ៉ឹងនៅភូមិជាមួយគ្នាចែករំលែក៖ ជាមួយនឹងដីចម្ការចំនួន៣.០០០ម២ គ្រួសារខ្ញុំបានដាំផ្លាស់គ្នានូវដំណាំគ្រប់ប្រភេទដូចៈ ស្ពៃមើម ម្ទេស ពិសេសដាំដំឡូងមីដើម្បីនាំមកនូវប្រសិទ្ធភាពសេដ្ឋកិច្ច។ រដូវនេះ គ្រួសារខ្ញុំដាំដំឡូងមីលើផ្ទៃដី១.៥០០ម២ ប្រហែល៤ខែប្រមូលផលទិន្នផលសម្រេចប្រហែលពី៦-៧,៥តោន តម្លៃលក់ពី៣.០០០-៥.០០០ដុង/គីឡូក្រាម បន្ទាប់ពីគិតការចំណាយរួចនៅចំណេញប្រហែល២៣លានដុង។ តាមបងវ៉ឹង ដំឡូងមីងាយដាំ ទិន្នផលខ្ពស់កើនពី២-៣ដងបើធៀបនឹងពូជដំណាំផ្សេង ចំណាយដើមទុនតិចមិនសូវបង់កម្លាំងថែទាំ ដូច្នេះ ប្រមូលផល ដំឡូងមីរួច គ្រួសារបងបន្តកែប្រែដីនិងចុះពូជដំណាំបន្ទាប់ទៀត។
សមមិត្តលីបឿន-អនុប្រធានសមាគមកសិករឃុំអាងហ៊ីបឱ្យដឹង៖ ដើម្បីជួយដល់សមាជិក ពិសេសសមាជិកខ្មែរលើកកម្ពស់ជីវភាព នាពេលខាងមុខសមាគមនឹងជំរុញសហការជាមួយផ្នែកជំនាញដើម្បីបើកថ្នាក់ហ្វឹកហាត់ភាពជឿនលឿនវិទ្យាសាស្ត្រ-បច្ចេកទេសដាំដុះ។ ទន្ទឹមនឹងនោះឧបត្ថម្ភយ៉ាងសកម្មការបុលទុនអាទិភាពដើម្បីសមាជិក កសិករបង្កបង្កើនផល និងមានលក្ខណៈបើកទូលាយទម្រង់សេដ្ឋកិច្ចមានប្រសិទ្ធភាព រួមចំណែកដល់ការបង្កើនប្រាក់ចំណូលលំនឹងជីវភាព៕
ថាញ់វ៉ាង-លីហាន់
Thông tin bạn đọc
Đóng Lưu thông tin