 |
| បងស្រីង្វៀងធីភឿង ពេលបានជំនួយទុនបុល សព្វថ្ងៃជីវភាពគ្រួសារបានលំនឹងគ្រាន់បើ |
ប៉ុន្មានឆ្នាំកន្លងឆ្លងតាមបណ្តាទម្រង់ជំនួយសមាជិកាពង្រីកសេដ្ឋកិច្ចគ្រួសារ សមាគមនារីស្រុកចូវថាញ់បានជួយបងប្អូននារីមានលក្ខណៈពង្រីកការផលិតធ្វើអាជីវកម្មលំនឹងជីវភាព ចាកផុតក្រនិងឈានឡើងធ្វើមាន។ ដើម្បីធ្វើបានប្រការនោះ សមាគមនារីស្រុកតែងខិតខំអនុវត្តការចលនាប្រឡងប្រណាំងប្រជាចលនាពូកែផ្សារភ្ជាប់នឹងការចលនាបងប្អូននារីចូលរួម “រៀនសូត្រនិងធ្វើតាមសតិអារម្មណ៍ សីលធម៌ ឥរិយាបថ ហូជីមិញ”។ ចាត់តាំងថ្នាក់បង្រៀនរបរ ឧទ្ទេសនាមការងារធ្វើ បំផុតគឺការជំនួយបងប្អូនបានបុលទុនអាទិភាពពីធនាគារគោលនយោបាយសង្គមស្រុកដើម្បីវិនិយោគក្នុងការបង្កបង្កើនផលដូចចិញ្ចឹមជ្រូក គោ មាន់ ទា ផលិតស្រូវ ដាំបន្លែ ។ល។ អាស្រ័យហេតុនោះ សព្វថ្ងៃមានបងប្អូននារីជាច្រើន បំផុតនារីជនជាតិខ្មែរក្នុងស្រុកជាជំហានមានជីវភាពគ្រាន់បើ ឈានឡើងចាកផុតក្រដោយចីរភាព។ ជាសមាជិកាមានជីវភាពលំបាក សព្វថ្ងៃបានចាកផុតក្រ បងស្រីង្វៀងធីគីមភឿង នៅភូមិចូវថាញ់ ឃុំអាងនិញ ស្រុកចូវថាញ់ ជាគំរូដែលបានជំនួយទុនបុលនិងឈានឡើងចាកផុតក្រ។ ពីមុន ជីវភាពគ្រួសារជួបការលំបាក ពេលចូលរួមសាខាសមាគមនារីភូមិ បងស្រីភឿងបានសមាគមនារីស្រុកឧទ្ទេសនាមឱ្យបុលទុនចំនួន២០លានដុងដើម្បីទិញគោចិញ្ចឹម។ មានទុនបុលអាទិភាព បងភឿងទិញគោមេចិញ្ចឹមនិងសង់ទ្រុងគោ។ អាស្រ័យថែទាំបានល្អ គោឆាប់ធំ និងកើតមកជាបន្តបន្ទាប់ ក្នុងមួយឆ្នាំកើតបានមួយក្បាល។ ពេលចិញ្ចឹមគោមានប្រសិទ្ធភាពបងស្រីលក់គោសងបំណុលធនាគាររួចរាល់ ប៉ុន្មានឆ្នាំក្រោយមកបងភឿងបន្តបុលទុនពីធនាគារគោលនយោបាយដើម្បីពង្រីកទម្រង់ចិញ្ចឹមរបស់គ្រួសារ។ បងភឿងបានឱ្យដឹង៖ អាស្រ័យការជំនួយរបស់សមាគមទើបខ្ញុំបានបុលទុនអាទិភាពដើម្បីចិញ្ចឹមសត្វ ពង្រីកសេដ្ឋកិច្ចគ្រួសារ។ សព្វថ្ងៃ គ្រួសារខ្ញុំធ្វើស្រែចំនួន១១កុងនិងដាំស្មៅ២កុងសម្រាប់ធ្វើជាចំណីឱ្យគោ ដោយទម្រង់ចិញ្ចឹមមានប្រសិទ្ធភាព រាល់ឆ្នាំរកបានប្រាក់ចំណូលប្រហែល១០០លានដុងនិងរាល់ខែចំណូលពីការលក់ដូរកំប៉ិកកំប៉ុកប្រហែល៥លានដុង។ ដូចគ្រួសារបងស្រីគីមភឿង ចំណែកគ្រួសារបងស្រីឡឹមធីហៀង នៅភូមិភឿកហ្វា ឃុំភូតឹង ស្រុកចូវថាញ់។ ពីមុនគ្រួសារបងស្រីជាគ្រួសារក្រ គ្មានរបរលំនឹង។ ក្រោយពីបានចូលរួមជាសមាជិកានៃសាខាសមាគមនារីភូមិបងស្រីបានបុលទុនដើម្បីវិនិយោគទម្រង់ដាំបន្លែលើដីប្រឡាយ គួបផ្សំនឹងការចិញ្ចឹមគោ ឆ្នាំណាក៏ទទួលបានប្រាក់ចំណូលគ្រាន់បើ និងសព្វថ្ងៃ គ្រួសារបងស្រីមានលក្ខណៈសង់ផ្ទះបានរឹងមាំ មានរបស់របរសម្រាប់ប្រើប្រាស់ក្នុងគ្រួសារ មានជីវភាពសុខដុម សុភមង្គល ឈានឡើងចាកផុតក្រដោយចីរភាព។ សមមិត្តចូវហុងហ្វា-ប្រធានសមាគមនារីស្រុកចូវថាញ់បានឱ្យដឹង៖ សព្វថ្ងៃសមាគមមានសមាជិកាចំនួន ២១.០៤៤រូប ប្រជុំជីវភាពនៅ៥៦សាខាសមាគម។ រួមជាមួយនឹងការកសាងអង្គការរឹងមាំ សមាគមនៅទាំងយកចិត្តទុកដាក់ចលនាបងប្អូននារីអនុវត្តប្រិតសំចៃទទួលផលពីបណ្តាប្រភពទុនជម្រុញការពិគ្រោះ បណ្តុះបណ្តាលរបរ ឧទ្ទេសនាមការងារធ្វើ ចលនាសមាជិកាបង្វែររចនាសម្ព័ន្ធដាំដុះ ចូលរួមហ្វឹកហាត់ពីវិទ្យាសាស្រ្តបច្ចេកទេស ក្នុងការដាំដុះ ចិញ្ចឹមសត្វ សកម្មពង្រីកកម្លាំងផ្ទៃក្នុងម្ចាស់ការចូលរួមពង្រីកសេដ្ឋកិច្ច បន្ថយក្រដោយចីរភាព។
ជួយសមាជិកាពង្រីកសេដ្ឋកិច្ចគ្រួសារបន្ថយក្រដោយចីរភាពជាភារកិច្ចសំខាន់របស់សមាគមនារីស្រុកចូវថាញ់ រួមចំណែកអនុវត្តការងារបន្ថយក្រនិងបណ្តាទិសដៅអភិវឌ្ឍសេដ្ឋកិច្ច-សង្គមរបស់ភូមិភាគ៕
ចន្ថា-សុផល
Thông tin bạn đọc
Đóng Lưu thông tin